Cooperativa Café Timor (CCT) mak Timor-Leste nia kooperativa agrikultura boot liu ho membru 28,000. Nia prodús ho kualidade aas kafé, temperus no ai-farina nia fariña hodi faan iha rai-laran no esporta. Timoroan sira mak na'in, jere no sai pesoál ba CCT, hala'o iha munisípiu 11 hosi munisípiu 13 iha rai-laran.

Iha tinan 17 ikus ne'e, CCT hala'o ona ho "gratuitu" servisu asisténsia saúde primária ba benefísiu komunidade rurál sira iha rejiaun hirak ne'ebé kuda kafé iha munisípiu Ermera, Ainaru, Aileu, Likisá no Manufahi. Asisténsia saúde sira-ne'e inklui servisu jerál sira iha saúde médiku, nehan no servisu saúde inan no labarik. CCT uza modelu prestasaun servisu sira ne'ebé oin-oin maibé integradu no adapta hodi bele hatán ba nesesidade dezenvolvimentu saúde no sosiál hirak ne'ebé úniku hosi família Timoroan sira iha área rurál/remota. CCT iha servisu klínika movel no fiksu aumenta ho servisu alkanse bazeadu iha suku. CCT nia Programa Saúde ba Mane mak programa voluntáriu úniku ida ne'ebé hatán ba mane sira-nia problema iha saúde; nutrisaun; kestaun jéneru; inkluzaun sosiál no jestaun rendimentu.

CCT nia atividade saúde sira-ne'e sustenta liuhosi faan kooperativa nia produtu agríkola sira no serbisu hamutuk ho Ministériu Saúde Timor-Leste hodi hadi'ak Timoroan sira-nia estadu saúde.

Cooperativa Café Timor (CCT)

Informasaun

Fatin