Fundasaun Alola hanesan Organisasaun non govermental ida nebe eziste iha Nasaun Republika Demokratiko Timor Leste. Fundasaun Alola hahu hamrik iha Timor iha tinan 2001 ho ninia lema mak Feto Forte Nasaun Forte no ho nia objetivu mak atu ajuda feto no labarik iha Timor hodi asesu ba informasaun, rekursu no servisu nebe sira presisa atu hetan moris saudavel. Informasaun hirak ne’e bele naklekar iha komunidade nia le’et iha rai doben ida ne’e liu husi Alola nia programa sira mak hanesan Programa Saude inan no Oan, Programa Edukasaun, Programa Dezemvolvimentu Ekonomia no Programa Advokasia.

Programa saude inan no oan iha Fundasaun Alola hetan fiar husi Ministerio da saude de Timor Leste hodi implementa programa Klibur susu been inan nian ba kosok oan (KSBINKO) no hodi hari Grupu suporta inan (GSI) iha komunidade, Programa ne’e hetan konkordansia husi Ministerio da Saude no Suporta husi UNICEF, Implementa husi Fundasaun Alola nebe hahu lansa iha dia 7 de Febreiru 2003.

Wainhira hahu ona implementasaun programa mak Fundasaun Alola programa saude inan no oan hahu hari grupu suporta inan iha komunidade iha tinan 2004. Iha implementasaun programa ne’e Fundasaun Alola halo kapasitasaun ba grupu voluntariu sira mak hanesan: fo treinamentu kona ba Akonselamentu fo hahan optimal ba bebe no labarik ki’ik, maternidade seguru, Espasu ba oan no jestaun malnutrisaun agudu iha komunidade (JIMAK). Ho objetivu atu hasae kuinesementu membru sira nian atu bele fahe no enkoraja inan isin rua no inan fo susu sira iha komunidade iha sira nia areia rasik, atu promove fo susuben inan esklusivu. Monitorisasaun no aktividade ho grupu mos lao dadaun.

Iha Tinan 2007 Programa Klibur susubeen inan nian ba kosok Oan (KSBINKO) nakfila an ba Programa promosaun Saude Inan no Oan, iha Programa Susubeen Inan nian, Distribusaun Pakote Maternidade iha Fasilidade saude, estabelese SUKU HADOMI INAN no OAN (SHIO). Programa ida ne’e implementa uluk iha Municipiu Liquica hafoin habelar ba iha municipiu seluk. Iha municipiu Manatuto hahu establese grupu Suku Hadomi Inan no Oan iha Tinan 2009 - 2011. Grupu Suku Hadomi Inan no Oan iha Suku Fatuwake hahu establese iha tinan 2011.

Fundasaun Alola

Informasaun

Fatin