Asaun koletiva atu hadi'ak nutrisaun iha Timor-Leste

Hamutuk nu'udar programa inovativu, multi-setór ida ne’ebé lori organizasaun liu 100 hamutuk hodi hasa'e impaktu koletiva husi projetu nutrisaun no seguransa ai-han iha Timor-Leste. Hamutuk uza sistema jestaun informasaun kolaborativu ne'ebé fó dalan ba organizasaun sira atu kordena di'ak liutan sira-nia esforsu.

Hamutuk hahú hanesan pilotu ida iha Manufahi iha tinan 2016. Dezde tinan 2020, Hamutuk halo alterasaun no komesa uza ninia plataforma dijitál ho Forum ONG Timor-Leste (FONGTIL) hodi haforsa sira-nia responde multi-setór ba iha nutrisaun no seguransa ai-han durante Covid-19. Inisiativa ida ne'e harii ho esforsu sira ne'ebé iha husi Gabinete Primeiru Minístru (GPM) atu haforsa FONGTIL nia kapasidade no haluan sira-nia papél kona-ba hasa’e seguransa ai-han iha nasaun ne'e.

Liuhosi utilizasaun instrumentu kordenasaun no relatóriu parseiru ne’ebé forte, Hamutuk iha objetivu atu haforsa sistema ne'ebé FONGTIL uza hodi jere informasaun. Ida ne'e fó dalan ba FONGTIL atu planeia resposta ida-ne'ebé efikas liu ba inseguransa ai-han iha rai-laran.

Iha kalkulasaun média, labarik ne’ebé mak ra'es-badak kompleta eskola menus husi tinan 4.6 kompara ho labarik ne’ebé laos raes.

Adultu sira ne’ebé ra'es-badak wainhira labarik, manan osan 21% ituan liu kompara ho sira ne’ebé laos ra'es-badak.

No labarik ra'es-badak sira hasoru risku aas atu dezenvolve moras króniku, hanesan hipertensaun no diabetes, wainhira sira boot.

Ra'es-badak mak rezultadu husi defisiensia nutrisaun krónika iha tempu naruk nia laran, ne’ebé halo estraga permanente ba dezenvolvimentu labarik nian. Ida ne’e bele haree wainhira labarik ida nia altura badak liu nia otas. Dala barak hahú molok labarik moris no aumenta hosi kualidade ai-han ne’ebé ladiak, prátika alimentasaun labarik nian ne’ebé la adekuadu, infesaun beibeik no saúde materna no nutrisaun ne’ebé ladiak.

Iha Timor-Leste, maske iha progresu balu ona, malnutrisaun kontinua buras iha area rural, urbanu nomos iha uma-kain barak ho nivel rendimentu oioin. Nasionalmente, aproximadamente 46% labarik ho idade tinan lima mai kraik sofre ra'es-badak - ida nee hanesan persentajen ne'ebé aas tebes iha mundu.

Prevensaun ra'es-badak iha benefisiu inter-jerasaun humana, sosiál no ekonomiku ba ema ida-idak, sira-nia uma-kain no nasaun. Maibé atu fo impaktu sustentável ba futuru jerasaun saudável, ita presiza servisu hamutuk diak liutan. Evidensia hatete katak ita presiza atu aumenta esforsu iha setór oi-oin—inklui bee, sanitasaun, edukasaun, planeamentu familiár, agrikultura, diversidade alimentar, fó han labarik no inkluzaun sosiál.

Enkuadramentu ba kolaborasaun multisetórial

Kordenasaun

Hamutuk inklui biblioteka rekursu nutrisaun, instrumentu ida ne’ebé atu habelar mensajen nutrisaun Governu nian entre parseiru sira, no apoia Governu nia esforsu monitorizasaun no avaliasaun.

Teknolojia kolaborativa

Hamutuk nia plataforma online dezeña atu ajuda parseiru sira komunika, koleta dadus, no fahe informasaun ba malu. Plataforma ne'e fornese estatístika koletiva ida ba parseiru sira hodi haree sira-nia kontribuisaun ba objetivu komún sira, fahe eventu kalendáriu atu nune'e sira bele koordena sira-nia atividade hamutuk, no perfíl parseiru nian atu hatudu sira-nia servisu no programa ne’ebé aliña ho prioriodade iha Objetivu Dezenvolvimentu Sustentável 2 (ODS 2) - Planu Asaun Nasionál Konsolidadu ba Nutrisaun no Seguransa Ai-han (ODS 2 PANK NSA).

Hamutuk ninia parseiru sira

Governu Timor-Leste

F.A.S

WaterAid

"Proteza, promove, no suporta inan sira, bebe, labarik sira no prátika fo han labarik sira liu hosi Grupu Suporta Inan hodi prevene ra'es-badak. "

Alola Foundation

"Promove mane nia kompromisu hodi hetan fasilidade saúde no nutrisaun ne’ebé di’ak liu ba uma-kain."

Cooperativa Café Timor

"Fornese saúde no fasilidade ijeniu ba labarik feto sira iha eskola sei hasa’e numeru labarik feto sira iha nivel edukasaun ensinu sekundariu."

Feto Asaun ba Sustenabilidade

"Moris iha ambiente ne’ebé moos ka seguru, inklusivu, no ekuitativu sei suporta ema hotu nia rezultadu saúde no nutrisaun. "

Luta ba Futuru

"Garante labarik hotu-hotu iha asesu ba edukasaun no fornesimentu anual hosi ai-han kualidade sei garante nutrisaun di'ak no moris saudável."

Luta ba Mudansa

Cooperativa Café Timor

Marie Stopes

RHTO

"Planeamentu Familia prevene isin-rua sedu no permite atu iha espasu oan ne’ebé apropiadu hodi hetan rezultadu nutrisaun ne’ebé di’ak tebes ba inan no oan sira."

Marie Stopes International

"Uza aproximasaun multisetórial, inklui edukasaun ba nutrisaun, eskala agrikultura ki’ik-oan, no sistema rai no impresta bele kombate malnutrisaun iha nivel komunidade."

Grupu Kilbur Feto Malu

"Difisiénsia no nutrisaun iha relasaun besik. Falta nutrisaun, liu-liu iha labarik sira, bele halo tarde dezenvolvimentu mental no defisiente, ne’ebé mak sei halo defisieénsia iha tempu naruk."

Ra'es Hadomi Timor Oan (RHTO)

"Saneamentu adekuada, iha asesu ba bee moos no pratika ijeniu di’ak ajuda prevene menus nutrisaun, ho 25% kauza ra'es-badak husi diarea hela deit iha inisiu moris nian. "

WaterAID

"Mudansa Hahalok liuhosi mensajen SMS ba inan sira no ninia familia sira promove kuidadus antes-partu (antenatal care), asesu ba atendementu partu ho pesoal saúde treinadu, no hadia fasilidade partu ba inan sira, rezultadu saúde oan sira nian."

Health Alliance International

"Redús kiak no hamlaha liuhosi hadia peska no aquicultura."

World Fish

Ami-nia objetivu sira

Haforsa kordenasaun entre FONGTIL ho nia membru organizasaun sira no sistema jestaun informasaun hodi hadi'a relatóriu atividade parseiru nian no monitorizasaun iha nutrisaun no seguransa ai-han (NSA).
Suporta FONGTIL nia envolvimentu ho Gabinete Primeiru Ministru (GPM) hodi kontribui ba relatóriu atividade ne'ebé espesífika iha Objetivu Dezenvolvimentu Sustentável 2 (ODS 2) - Planu Asaun Nasionál Konsolidadu ba Nutrisaun no Seguransa Ai-han (ODS 2 PANK NSA).

Ami servisu iha ne'ebé?

Parseria ho FONGTIL no ninia membru sira hamutuk 100 + hodi hasa'e impaktu koletiva husi projetu nutrisaun no seguransa ai-han iha Timor-Leste.

Fila ba leten