Asosiasaun HAK estabelese iha 20 Agostu 1996, nu’udar Organizasaun Naun Governamentál ne’ebé ejisti dezde okupasaun Militár Indonézia iha Timor-Leste, serbisu iha área Direitus Umanus no Justisa. Iha tempu agora nafatin hala’o nia kna’ar, hodi promove no proteje valores direitus umanus iha Timor-Leste, objetivu liu husi monitórizasaun ba situasaun direitus umanus ne’ebé akontese.

Monitórizasaun ne’ebé HAK hala’o limita de'it ba Munisípiu 8 mak hanesan; Ainaro, Aileu, Baucau,Viqueque, Dili,Ermera, Liquica no Manufahi. Monitórizasaun ba servisu instituisaun Estadu sira, hodi garante katak instituisaun sira ne’e, hala’o duni sira nia obrigasaun tuir lei sira ne’ebé hodi respeitu, proteje, no hakonu ema hotu nia direitu.

HAK nia Vizaun no Misaun :

Hamosu sosiedade Timór-Leste ne’ebé kritiku, independenti, aberta, dame iha estrutura sosiál e’ebé bázeia bá prinsípiu popular, respeitu bá direitus umanus no valores lokais hodi alkansa justisa sosiál ne’ebé realiza liu husi:

1. Defende vítima violasaun direitus umanus

2 Hakbi’it kapasidade komunidade liu husi transferensia matenek, dezemvolve povu nia ualidade oris, dezemvolve kuiñesementu lokál, no partisipa iha dezemvolvimentu

3. Kontrolu sosiál

Valór no Prinsípiu :

1. Umanitáriu ho prinsípiu naun-violénsia no naun-diskriminasaun

2. Igualidade ho prinsípiu preoridade ba rekursus lokál no prespetiva jéneru

3. Justisa, ho prinsípiu ba interese populár no sustentabilidade

4. Demokrasia ho prinsípiu solidaridade, transparansia, akuntabilidade,

partisipasaun, libertasaun no resposanbilidade.

HAK Association

About

Locations